O Garavdo divari e racako Matildako: Školako nilajipe

I epizoda Školako nilajipe si kerdi e čhavenge katar 5 dži 10 berš. I tema si o džaipe ko nilajipe thaj o pharipe e ulavdipasko. Si šukar lafikeripaske vaše aver situacie kana e čhave ulaven pumen katar daja/dada (pobuterdivenge džaipa katar xurdelin, škola, džene e familiake...).

E butja save so e barenge dikhon sar šukar sar so si e dromardipa e amalenca, e čhavenge šaj te oven našukar thaj dukhavne kodoleske so ulavdjoven e dajendar/dadendar. O ulavdipe šaj te ovel pharo vaše čhave saven so nane eksperienca adaleske. Sar disavo čhavo ka legarel pes kodole ulavdipasa, adhinel katar o čhavo, leske karakteristikengo, e relaciendar leske dajasa/dadesa, katar akanutne dživdipaske trujalipasa (misal kana avile kodoles thaneste, bianipe e phralesko/phenjako, mukhipe e dajako thaj e dadesko), sar thaj o kvaliteto save so isi e čhave e averenca save so džana ko dromardipe thaj e sikavnenca save so džan lenca..

Kodova ulavdipe lokheder isi e čhaven save so pumare šukar dive nakhen koro papu thaj mami vaj averenca. E čhave save so ano drom džana jekhto var bidajako vaj bidadesko, trubul lenge dendo dumo thaj haljovipe e averendar.

Kodoleske, amen na šaj but te keras asari kana isi aasavki situacia e čhavesa thaj o ka anel. Numaj, amen šaj e čhave te sikava sar te ovel leske polokho o džaipe thaj o thanipe avere thaneste ko nilajipe/ivendipe.

E čhaveske trubul te das korkori te xal, uravel pes thaj te ikerel peski higiena. Kana džal ko drom trubul te dikhel sar ovela o pakiripe. Adjaar o čhavo ka džanel so sa isi ani dromeski trast thaj lokheder ka kerel sa adava. Bare džanlipastar si te šaj te pendžarel peske šeja (šaj te oven markirime), thaj te džanel te arakhel peske šeja thaj o dende love save legarel pesa.

But si bari buti te ovel vakerdo leske ko savo čhani ka šaj te kerel komunikacia peske dajas/dadesa (thaj sikavnenca vašo vaxt kana te rodel) thaj kaske te vakerel te ulo nasvalo, bilačhe si leske vaj aver.

Kotor katar o drom ka kerel o/i arakhutno/i sikavno/i. Numa pale e daja/dada o informiripe e dromeske thaj e planoske e dromesko, divesko nič (kana isi habe, aktivipa, amalipa...) thaj lafikeripe e čhavesa vašo adaa so ka dživdinel, dendo dumo te ovel sigurno thaj mukhleder.

Šunen tumare čhave, sikaven leske so haljovena leske galje thaj bihošipa. Vakeren leske sar sas tumenge ke kodola situacie. Adjaar ka den les dumo te haljovel so naj korkoro thaj so sare si asavke gindenca thaj hošipanca. Thaj ko jekh ka dikhel te arakhel čhani te čhinavel e bilačhe situacie.

Nikana ma asan e čhaveske ke leske rovipa vaj pharipe, numaj thaj ma den le mito kana sikavel mazunipe vaj dar. O dendo pursako šaj ka garavel e asva, numa nane te tiknjaren o mazunipe thaj bilačhipe. Ma den les „obligacia“ te lošanel vašo dromaripe („sa e čhave si lošame..“ Aver čhave ka oven baxtale te oven tire thaneste...“). E hošipa našti te averkera „ki dugma“, thaj e kuražipasa ko lošanipe ka šaj te resa thaj averčhando efekto. O čhavo ka šaj te hošinel pes panda bilačheder thaj mazuni kana našti te resel tumaro adžikeripe thaj kaj tumen sen bipatjavne ke leske reakcie.

Obligativnikane vakeren leske sa kodova so si šukar so adžikrel les ko drom – khelipe thaj amalipe e avere čhavenca, ratjake vakeripa e amalenca, organizirime phiripa vaj interesno thana (ZOO, plaža, muzejo, nanjovipe/sankipe...), neve amalipa...

Baxtalo drom!