O darvdipe, ucena, darardipe, asavdipe vaj pale fizikano maripe na oven numa kerde e čhavenge: kodova šaj te ovel kerdo sarenge amenge, numa thaj bezexaske bute dženenge amendar. Kodoleske trubul te ovel dikho si vaj na disave situacie bare stresosa amenge numaj thaj „rizikoske“ thaj e čhavenge.

Bare džanlipastar si amenge, bizo te ovel dikhlo so kerdjam vaj vakerdjam, nijekh nane les čačipe te khivel tumen, darakerel tumen, asal tumenge, vaj pale te teljarel tumen vaj te del ucena.

Kodoleske, kana o čhavo vašo nekaske iradake lafenge vaj procedurake si hošame bilačhe, kana ovel khuvdo, štipime, kana ovel leske vakerdo bilačhipe, asal pe upral leste, uceninel vaj dararel, trubul te ovel kerdo diso te šaj te ačhol kodova.

Kodola situacie šaj te oven sarenge- čhajenge thaj čhavenge, ternenge thaj phureder čhavenge. Šaj te oven ki xurdelin, škola, ano parko, thaj khere. Kana ovel lafi vaše čhave, tipikane si te oven situacie thaj thana kana ovel iklipe katar kontrola e daja/dada vaj sikljovne.

Isi čačipe kana disave situaciendar šaj te ikala amen korkori, numa disavo drom trubul amenge thaj dendo dumo katar e amala, daj/dad, sikavne vaj aver bareder persone.

E čhave savenge ovel kodova kerdo si mazuni, korkori, darakerde, bisigurna, bibaxtale, šaj bilačhe te soven, naj len apetito, a šaj te ovel len dukh ko šero, per thaj aver badaneske simptome. Kodoleske majbut von hohaven, katar dar te vakerde nekaske so ka ikljoven sar kukavice vaj bikapacitetosko vj ka ovel bilačheder lengi situacia.

E čhaven saven varekon dararel vaj maltretirinel šaj te keren thaj bilačhe butja. Sar o Čirikloro kana lelja averenge butja te šaj te del e kakaraškake savi so rodelas lestar adava thaj kodolesa gindinen so ka čhinaven e butja save so rodel lendar o bilačho.

No,  kana ka den kodova e bilačheske adava sa na ačhovel numaj kodova ovel thaj bilačheder thaj ovel buteder vaxt kerdo thaj sa ovel bareder o daravdipe.

Kodoleske si bare džanlipastar e daja/dada te vazden lafi e čhavenca kodoleske sar nakhle o dive ki xurdelin vaj škola, a kodolestar te na oven hošime e lafestar „šukar“ thaj kodova te dikhle so e čhave isi čipotipe so nane sakodivesko.

E čhave save so ka vakeren sa adava e barenge trubul te adžikeren katar bare manuša te na vakeren lenge so ma te daran katar e darardipa thaj te si lenge vaj aver čhavenge. O čhavo savo so ka del o vakerdipe katar o baro manuš adžikerel decizia savatar ka ikljol i rekacia e barengiri.

Thaj adjaar si bare džanlipastar te ovel arakhlo thaj dendo dumo e čhaveske thaj te haljovel so vov nane došalo adaleske so ovel leske, sar thaj o darardipe kaj nane te ačhovel te na ulo vakerdo.

E čhave trubul te ovel dendo kuražipe so sakoja čipota šaj te ovel bizoreske soluciripasa e konfliktesko, numaj na thaj darardipe vaj pale e butja te oven pale kerde. Adaleske trubul te ove samalo džikaj o čhavo na haljovel o bipatjavipe thaj o bidendipe e bare manušengo te del les dumo.

Vaj sar so si e lafia e herojesko katar TV- xurdelin:

 „So e čhave našti te keren korkore, trubul te vakeren e barenge!“

"Ov kuražimo, rode dendo dumo!